Pechado por vacacións

Nenas e nenos:

As mestras de segundo, queremos informarvos que dende o 6 de abril ata o 13 de abril (ambos incluídos) terán lugar as vacacións de Semana Santa. Polo que, aínda que estas ímolas pasar dun xeito diferente, todas e todos tedes a oportunidade de dedicar esta semana para entre outras cousas desconectar das mestras…

Este período de vacacións será diferente, pero como estades facendo ata o momento, tedes que continuar dándonos unha gran lección de paciencia e solidariedade quedándovos en casa.

Este é o momento para que sen a nosa guía aproveitedes para deixar saír a vosa imaxinación e creatividade. Moitas veces, tedes diversas tarefas ou actividades que desenvolver, por iso chegou o momento de que fagades todo aquilo que sempre desexastes (sempre é cando as mamis e papis volo permitan).

Por exemplo: ler (recordade a biblioteca dixital e GaliciaLe), debuxar, construír con obxectos da vosa propia casa, xogar cos vosos xoguetes,  inventar historias,  imaxinar problemas matemáticos con sucesos do voso día a día, os recursos dos que dispón este blog, axudar nas labores do fogar…

ABURRIRSE, que medo lle temos a esa palabra! Pero a nosa pregunta é, coñecedes a multitude de beneficios que ten? Dende pequenos/as queremos que aprendades o importante que é que teñades tempo para vos, e este é o momento.

Á volta o 14 de abril regresaremos, cargadas e cargados de enerxía para afrontar a terceira avaliación. Oxalá sexa dende as aulas, pero iso é algo que coñeceremos no futuro, segundo o que indiquen as expertas e expertos.

Unha aperta enorme das mestras de 2º (A e B).

Este aplauso é para vos!!! E queda na casa.