Tarefas do 3 de abril (2ºB)

Bo día campións e campioas:

Outra semaniña máis está a piques de rematar. Pero como sodes tan responsables sabemos que estaredes repasando a planificación para ver que tarefas tedes que facer. Hoxe tocan as seguintes:

- Lingua Galega e Literatura: tarefa receita e unidade 12 do libro Comprendetextos (completa).

-Plástica: proxecto Torre Eiffel, tarefa 3. Para saber en que consiste a tarefa, anímovos a que entredes na seguinte imaxe:

A maiores, as mestras queremos compartir con vós un conto moi interesante que nos axudará a entender o Coronavirus e outros virus existentes. Ao longo da mañá atoparédelo no baúl.
Nel propoñen actividades moi interesantes... Non dubidedes en facelas, se vos apetece.

Unha aperta virtual.

Proxecto 2ºB: A torre Eiffel

Queridas rapazas e rapaces:

En primeiro lugar, gustaríame agradecervos a gran acollida que teñen as actividades propostas dende a titoría.  Sabedes que esta situación excepcional provocou que tivésemos que modificar moitos aspectos á hora de desenvolver as tarefas. Pero estou moi orgullosa da vosa resposta e do gran esforzo que están facendo as familias. 

Desta forma, quérovos ensinar algúns dos marabillosos resultados. Neste caso sobre a tarefa 2, do proxecto “A torre Eiffel”:

Preparados/as para quedar abraiados/as?

                                           

                                                                                                                                                                                                              

Por certo, unha compañeira decidiu sorprendernos facéndolla en 3D e outro compañeiro engadiu habitantes:

                   

Moitas grazas por remitirme as imaxes, así podemos ver diferentes propostas. Todas son marabillosas!!

Finalmente, tal como se indica na planificación, o venres 3 de marzo teredes nunha nova entrada as instrucións para desenvolver a tarefa 3 do proxecto "A torre Eiffel".

Proxecto 2ºB: A torre Eiffel

Tarefa 2

Ola mozas e mozos:

A semana pasada pedinvos que debuxásedes a Torre Eiffel, e agora coñeceredes para que nos vai a servir ese debuxo. Veredes, a segunda actividade consistirá en que recubrades o debuxo con materiais de reciclaxe. Para iso podedes facer bóliñas de papel de periódico ou revistas, con pallas (“pajitas”), con palillos, con cortiza, macarróns…

Se algún ou algunha xa recubriu o debuxo con cores, non pasa absolutamente nada! Pode volver a facer outro e completalo con algún material de reciclaxe que teña pola súa casa.

Poño a vosa disposición, de novo, os pasos para debuxala, por se alguén non puido facela a semana pasada así como outro modelo:

Aquí podedes observar algúns exemplos:

Algúns compañeiros/as remitíronme as imaxes da tarefa 1 do proxecto, polo que volos ensino para que vexades que marabilla: 

        Bravo! Moi bo traballo!

Espero ansiosamente as imaxes das vosas creacións á conta de correo de 2ºB.

Unha aperta enorme! J

Proxecto 2ºB: A torre Eiffel

Ola  rapazas e rapaces!! 

Espero que esteades moi ben, non vos podedes nin imaxinar as ganas que temos de volver á rutina diaria. Pero con paciencia, todo chegará e estaremos de novo compartindo momentos e aprendendo xuntas e xuntos.

Se facedes un pouquiño de memoria recordaredes que durante as últimas semanas estivemos traballando na Torre Eiffel. Concretamente na súa recreación mediante cortizas e tamén indagando sobre a mesma.

Concretamente o última día de clase case a rematamos, polo que non nos queda nadiña. Á volta continuaremos para poder ensinarlle ás familias, mestres e restos de compañeiros/as do cole o froito do noso traballo e esforzo así como o proceso de construción. Pero ata ese momento, gardaremos todos eses marabillosos recordos na nosa mente.

En canto á indagación foi un proceso que realizamos divididos en equipos cooperativos. A cada equipo asignóuselle unha cor (verde, lila, rosa e azul), desta forma cada un ocupouse dun aspecto: datos xerais, características, contexto histórico, descrición e proceso de construción.

Esta tarefa tan complexa constou de varios pasos:

-          1º Lectura rotativa da parte asignada a cada equipo polos membros do mesmo.

-          2º Subliñaron a información que os compoñentes do equipo consideraron importante.

Non foi unha tarefa sinxela, xa que como é normal non todas e todos os compoñentes do equipo estaban de acordo á hora de escoller a información. Pero mediante o diálogo chegamos a acordos que nos permitiron seguir progresando. 

A continuación podedes observar imaxes de dito proceso tan enriquecedor:

              Que orgullosa estou do voso traballo e esforzo!

                          

O resultado atoparédelo a continuación pulsando na seguinte imaxe:

Non obstante, como sempre vos digo, a aprendizaxe é un aspecto que nunca remata. Todas e todos continuamos aprendendo día a día. Polo que nós tampouco nos imos render, non? Por iso déixovos a continuación varios vídeos para que poidades aprender un pouquiño máis.

Por último, anímovos a que fagades un debuxo da torre Eiffel nos vosos fogares (tarefa 1). Para iso, podedes pedirlle axuda a mamá, papá, tía/o… Así pasaredes un rato entretido! Sede creativos e creativas!!!

Na imaxe podedes observar uns sinxelos pasos para debuxala, pero só é un modelo. 

Á volta, entre todas e todos, realizaremos un mural no que expoñeremos ditos debuxos. 

A profe tamén vai facer o seu.

Unha aperta virtual ! J