Bo día campionas e compións:
Que tal estades? Espero que
xenial. J
Esta semana vai ser un pouco máis curta, xa que o venres día 1 de maio é
festivo (Día da Festa do Traballo). Por iso as tarefas da semana que está a
piques de comezar finalizarán o xoves (incluído).
Como estamos ante unha semana diferente a actividade que propoño tamén o é.
En multitude de ocasións fixemos ao longo do primeiro e segundo trimestre (así
como o ano pasado) actividades nas que tiñamos que integrar todo o aprendido
nas diferentes materias. Polo que neste caso teño unha proposta para vós que
consistirá en deseñar a vosa saída de fin de curso.
Para iso, tedes que
ter en conta todo o aprendido nas diferentes materias (lingua castelá e
literatura, matemáticas, ciencias sociais, ciencias da natureza, plástica…).
No documento que se atopa a continuación encontraredes as instrucións
necesarias para desenvolver a actividade, que está composta por un reto diario
(tarefa diaria). Recordade, tedes que ler 3 veces cada tarefa-reto, xa que
debemos comprender que é o que nos piden en cada un.
Ó final do documento, atoparán un cadro coa información relativa á entrega
da actividade. Non obstante, non dubiden en consultarme as posibles dúbidas.
Estou desexando ver as
fantásticas ideas que tedes para a saída de fin de curso. Deixar saír toda a
vosa creatividade e imaxinación!!
Unha aperta enorme.
No hay comentarios:
Publicar un comentario