Cine: Piratas

O martes, convidados polo Concello, os alumnos de E. Infantil, 1º e 2º de primaria fomos ao Centro Cultural para ver a película : Piratas.

Saímos do cole moi ledos e ilusinados.
Os pequerechos foron  acompañados polos maiores que se sentían responsables deles.

Xa dentro, sentados e impacientes, desaxando que comezara !!!

Xornada gastronómica

Como estamos descubrindo os alimentos  e os seus beneficios para o nosos corpo, as profes organizaron unha xornada gastronómica.

Saímos cara o restaurante Trasmallo.

 Alí, estaban Loren e Lucia esperándonos. Preguntáronos que almozáramos e déronos o seus consellos.

 Tiñan todiño preparado para contarnos como facer un menú saúdable: verduras, peixe...
 Luci, cóntanos a  importancia das verduras e das cantidades que debemos tomar. Tamén nos explicou como cociñalas .

 Os peixes e mariscos non podían faltar: Linguado, pescada, rodaballo, centola, boi, nécora...

Seguimos pondo en practica algo do aprendido: Unha boa ensalada!

E para rematar, Loren, explicounos a diferencia entre un bogavante e unha lagosta. Tamén nos ensinou o sue viveiro cheo de marisco.





Pero, o que máis nos impresionou foi o suave que é o bogavante co medo que da con esas pinzas tan grandes!!!!

Moitísimas grazas Loren e Luci. Foi unha xornada fantástica!!!!!

Teatro: A nena e o grilo máis aló

Os alumnos de 1º e 2º de primaria,  desprazáronse ao  teatro Abanca de Vigo para asistir ao espectáculo de Magín Blanco “ A NENA E O GRILO DE MÁIS ALÓ”

Esta obra músico- teatral  é unha divertida aventura  chea de misterio e intriga que leva aos cativos ao mundo dos mortos.

Todo transcorre cando a nena e o grilo pisan sen querer a Araña Xertrude e pensan que a mataron.

Buscando o xeito de devolverlle a vida atópanse cuns titiriteiros ambulantes que a través da maxia e da música os levan ao mundo dos mortos na busca da araña para traela de novo ao mundo dos vivos.

Despois de tanta intriga e emoción, chega o momento de repor forzas antes de voltar ao cole.

Foi unha xornada moi especial! Estaban encantados!!!

Visitamos o Belén de Generoso

Esta semana final de trimestre témola chea de  actividades. 

Imos coa primeira delas! 

Visitamos o Belen benéfico que Generoso vai construíndo coas súas mans e que pon en funcionamento  cada Nadal na súa  casa a favor da Asociación SOS Baixo Miño.

Comprobamos con que maestría vai elaborando cada unha das pezas do seu Belén. 
Unha das moitas curiosidades: o tellado do Portal ten 1140 tellas
feitas unha por unha!

Utiliza materiais reciclados: pedriñas da praia, plásticos, canas dos foguetes, poriespan das embalaxes, cespede do campo de fútbol, motores de vellos electrodomésticos....

Quedamos apampados ao escoitalo cando nos explicaba como ía facendo  cada elemento. 

Soprendeunos  que cada minuto  vanse alternando o día co canto do galo  e a noite co alumeado das casa e a aparición das estrelas e a lúa!

Espertou en nós a curiosidade do movemento de moitas das pezas do Belén e el contounos o segredo do funcionamento: pequenos motores de microondas, secadores e imáns.

Unha auténtica marabilla de Belén de dous pisos!!! 

Baixade ao porto e non deixedes de visitalo, paga a pena!

 

Moitas grazas Generoso! Eres un artistazo!!!